பொடிப்பொண்ணு

ஜல்லிக்கட்டு வீரர்களுக்கு ஒரு புது சவால் !

2010-12-24T09:19:00.000-08:00

நம்ம ஊரு ஜல்லிக்கட்டு வீரர்கள் எருதுகளை எளிதாக அடக்கிவிட்டு , பரிசையும் வாங்கிக்கொண்டு அதிகமாக அலம்பலும் ஆர்பாட்டமும் செய்கிறார்கள் என்று தெரிய வந்ததால் இனி அவர்கள் அலம்பலுக்கு ஆப்பு வைக்க முடிவு செய்துள்ளோம்.

இதோ அடுத்த வருட ஜல்லிக்கட்டுக்கு இந்த "வதூசி" எருதுகளை தான் அனுப்பப் போகிறோம் !

நமது தமிழ்நாட்டு ஜல்லிக்கட்டு வீரர்கள் இந்த மாதிரி எருதுகளை அடக்குவார்களா ? - இல்லை இந்த கொம்பைப் பார்த்த உடனே எட்டு ஊருக்கு எருதுகளைப் போல் நான்கு கால் பாய்ச்சலில் வீடு திரும்புவார்களா ?

ஏன்டா இந்த வம்பு ? உயிரை மாய்த்துக்கொள்ள நான் தயாராக இல்லை என்று சொல்லிக்கொண்டே புறமுதுகிட்டு ஒடுவார்களோ ?

ஜல்லிக்கட்டு வீரர் 1: " எத்த தடி " !!!!!

ஜல்லிக்கட்டு வீரர் 2 : " இதுங்க கொம்பை வைத்துக்கொண்டு ஒரு குத்து குத்தினா குடல் கூட மிஞ்சாது போலிருக்கே .. ஐயோ சாமி.. நான் இனிமே ஜல்லிக்கட்டு பக்கமே தலை வைத்து படுக்க மாட்டேன் ! "

ஜல்லிக்கட்டு வீரர் 3 : "அடப் பாவிகளா ... ஜல்லிகட்டுக்கு வெச்சுட்டான்யா ஆப்பு "

இவற்றை எல்லாம் கேட்டுக்கொண்டிருந்த வதுசி எருது : "அந்த பயம் இருக்கட்டும் ! "

// இந்தப் பதிவு வெறும் கற்பனையே //

வேட்டைக்காரன் - விமர்சனம் !!!

2009-12-18T22:34:00.000-08:00

'முதல் நாள் முதல் திரையில்' மாயாஜால் திரையரங்கில் வேட்டைக்காரன் பார்த்தேங்க்னா. .

தூத்துக்குடியில் இருந்து பிளஸ் 2 முடித்துவிட்டு , கல்லூரி சேர சென்னைக்கு வரும் ஒரு இளைஞன் சந்தர்ப்ப சூழ்நிலைகளால் ஒரு பெரிய ரௌடியின் பகைக்கு உள்ளாகிறான். அதிலிருந்து எப்படி மீண்டு வருகிறான் - தன் காவல் துறை அதிகாரி ஆகும் கனவில் வெற்றி பெறுகிறானா , இல்லை தோற்று விடுகிறானா என்பது தான் கதை.

விஜய் படம் என்பதால் நிறைய காமெடி காட்சிகள் நிறையா தான் இருக்கும் (கில்லி மாதிரி) என்று எதிர்பார்த்து சென்றேன். முன் பாதியில் சில காமெடி காட்சிகளே இருந்தன. பின் பாதியில் மனோபாலா வரும் காட்சிகளில் திரை அரங்கம் சிரிப்பில் அதிர்ந்தது.

அனுஷ்கா அழகாக இருக்கிறார் . நடிப்பும் கூட நன்றாக வருகிறது . அனால், மூன்று பாட்டு , முதல் பாதியில் கணிசமான காட்சிகள் மட்டும் அவருக்கு. பின் பாதியில், காதலனை நினைத்து உருகுவதற்கும், படத்தின் ஓட்டத்தில் பாடல்களைத் திணிப்பதற்கும், வில்லனிடம் மாட்டிகொள்வதர்க்கும் மட்டுமே பயன்படுகிறார்.

பாடல்கள் எல்லாம் படத்தின் ரிலீஸ் முன்பே சூப்பர் ஹிட் ! பாடல் காட்சியமைப்பில் இன்னும் சிரத்தை எடுத்திருக்கலாம் என்று எனக்கு தோன்றியது. விஜயின் உடைகள் இன்னும் கொஞ்சம் நன்றாக இருந்திருக்கலாம். யாருப்பா அவரோட உடைகளை தேர்வு செய்தது இந்த படத்தில்?

'நான் அடிச்சா தாங்கமாட்டே' பாடலில் ஜூனியர் விஜய் தான் ஹைலைட். அழகாக ஆடுகிறார் சஞ்ஜய். அப்பா போலவே வர வாழ்த்துக்கள் !
'கரிகாலன்' பாடல் பார்க்க நன்றாக இருந்தது. 'ஒரு சின்ன தாமரை' - பாடல் முழுவதும் விஜயின் புதிய சிகை அலங்காரம் தான் பளிச்சிடுகிறது. அந்தப் பாடலில் ஏன் விஜய் அவ்வளவாக ஆடவே இல்லை :( ? சின்ன சின்ன நடன அசைவுகளாவது செய்திருக்கலாமே ! பாடலில் நடன அசைவுகளுக்கு நிறைய வாய்ப்புகள் இருந்தன.

பல சண்டைக் காட்சிகள் விறுவிறுப்பாக இருந்தன. நிறைய கிராபிக்ஸ் உபயோகிக்கப்பட்டுள்ளது . விஜய் அந்தரத்தில் சுழட்டி சுழட்டி அடிக்கிறார். பல வில்லன்கள் அந்தரத்தில் மிதக்கின்றார்கள். அத்திரப்பள்ளி நீர் வீழ்ச்சியிலிருந்து விஜய் குதிக்கிறார். அதில் இருந்து உயிரோடு தப்பிகிறாரா என்பது இடைவேளை கிளைமாக்ஸ்.

படம் முழுவதும் விஜய் அழகாக இருக்கிறார். காட்சிகளில் நடிப்புத் திறமை பளிச்சிடுகிறது. மற்ற நடிகர்களும் நன்றாகவே நடிக்கிறார்கள். வில்லன் 'செல்லா'வைப் பார்த்தால் எனக்கே பயம் வந்துவிட்டது. ஆனால், செல்லாவின் அப்பா வேத நாயகத்துக்கு ஒரு 'பிளாஷ்பாக்' வேறு தேவையா? முன்பெல்லாம் கதாநாயகனுக்கு பிளாஷ்பாக் என்பது போய் இப்போது வில்லனுக்கும் பிளாஷ்பாக் என்று ஆகிவிட்டது.

மேலும் , படத்தில் உள்ள எல்லா கதாப்பாதிரங்களுக்கும் (வில்லன்கள் உட்பட) ஒரு 'Characterization' முதல் காட்சி இருக்கிறது. 'இவள் இப்படிப்பட்டவள்' , 'இவன் இப்படிப்பட்டவன்' என்று முதலிலேயே சொல்லிவிடுகிறார்கள். அந்த காட்சிகள் எதுவும் படத்தின் கதையுடன் ஒட்டவில்லை.

முதல் பாதி விறுவிறுப்பாக செல்கிறது. இடைவேளைக்குப் பின்னர் விறுவிறுப்பில் கொஞ்சம் தொய்வு. சில காட்சிகள் பகவதி படத்தை நினைவு படுத்துகின்றன. ஒரு முறை பார்க்கலாம் .

என்னுடைய மதிப்பெண்கள் : 5.5 /10

பகவதி + கில்லி + பாட்ஷா + திருப்பாச்சி + கிரீடம் + அனுஷ்கா = வேட்டைக்காரன் !

யப்பா ---- ' பா ' தமிழில் :)

2009-12-14T19:18:00.000-08:00

கிராபிக்ஸ் செய்த இந்தப் புகைப்படம் என் மின் அஞ்சலில் நேற்று கிடைத்தது.

நன்றி: இந்தப் புகைப்படத்தை உருவாக்கிய ஆயில்யன் . மேலும் புகைப்படங்கள் இங்கே :)

பன்றி காய்ச்சல் கார்டூன்ஸ்

2009-08-18T10:51:00.000-07:00

படங்களை அழுத்தி பெரிதுபடுத்தி பார்க்கவும் ! :)

மென்பொருள் காமெடி - 2

2009-07-21T11:32:00.000-07:00

ப்ரஜெக்ட் லீடர் : புதுசா
பிரெஷர் : இல்லை பழசு
PL: நீ எத சொல்ற?
Fresher: நீ எத கேக்குற ?
PL: நான் உன்ன கேட்டேன் ...
Fresher: நான் CODE ன்னு நினைச்சேன் ...
PL: CODE Copy Paste ன்னு நான் பத்தடி தூரத்துல வரும் போதே தெரியுது .. நீ புதுசு தானே?
Fresher: ஆமா
PL: ம்ம்ம் Project Leader வரும்போது ஷலூட் பண்ணனும்னு உனக்கு டிரைனிங் ல சொல்லித் தரலியா?
Fresher தேட ஆரம்பிக்கிறான்
Fresher: எங்க எங்க எங்க?
PL: யாய் யாய் யாய் மிஸ்டர் .. PL னு சொன்னது என்னைத்தான்..
Fresher ஷலூட் அடிக்கிறான்.
PL: Leftla ஷலூட் அடிக்கச் சொல்லி உனக்கு எந்த PL சொல்லி குடுத்தான் ?
Nonsensuu.. shalute on the right hand!

Fresher கையில் இருக்கும் குண்டு "Java - Complete Reference by Herbert Schildt" புத்தகத்தை PL காலில் போட்டுவிட்டு ஷலூட் செய்கிறான். புத்தகம் PL காலில் விழுந்து , ரத்தம் வருகிறது..

Fresher: சாரி சார்.
PL: என்ன வெட்டி விளையாட்டு இது ?
Fresher: ஐயோ ரத்தம்
PL: என்னடா ரத்தம் ? இத பார்.. இந்த விளையாட்டை எல்லாம் வீட்டுல மூட்ட கட்டி வெச்சுட்டு வர பாரு. அது போக நீ என்ன பத்தி நெறையா தெரிஞ்சுக்க வேண்டி இருக்கு. என் Cubicle க்கு வா.
Fresher: ஒரு Doubtuu..உங்களுக்கு Cubicle எல்லாம் குடுத்துருகாங்களா?
PL: கடுப்பாகி .. "FOLLOW ME"

Java புத்தகத்தை எடுப்பதுபோல் PL காலை எடரிவிடுவது போல் செய்கிறான் Fresher.

PL: யாய் யாய் யாய் .... ரொம்ப technicalla aim பண்றானே இவன். இரு உன்ன வெச்சுக்குறேன். யாய் யாய் ஏன்டா . மடிச்சு வெய் உள்ள . சேட்டை !

PL cubicle க்கு செல்ல, Fresher பின்தொடருகிறான்.

PL: ஒரு PL ஆச்சே பாவம் ஒரு வணக்கத்த வெச்சுட்டு போவோம்னு இல்லாம book ஐ எடுத்து காலுல போடறது.. கால் நகத்தை நோண்டி விடறது .
என்ன பத்தி உனக்கு நெறையா தெரிய வேண்டியது இருக்கு.
ஒரு சிங்கத்த பத்தி இன்னொரு சிங்கமே சொன்னா அது அசிங்கம்

Fresher: சரி என்ன பண்ணலாம் ?

அருகில் இருக்கும் இரண்டு வருட அனுபவம் உள்ளம் டீம் மெம்பெர் ஒருவரை அழைக்கிறார் PL.

PL: யோவ், வா இங்க , என்ன பத்தி இந்த Fresher க்கு எடுத்துச் சொல்லு

டீம் மெம்பெர்: எ எ எ என்னத்த பத்தி இந்த ஆளுக்கிட்ட சொல்றது?

PL: எதையாச்சும் சொல்லுய்யா ! @%$$%@

டீம் மெம்பெர் : "சார் ஒரு ***** "

PL: என்ன சொல்ல சொன்னா நீ என்ன சொல்லிட்டு இருக்க?

Fresher: "என்ன PL சார் , என்னவோ **** சொன்னான் "

PL: யாய் நீ ஒன்னும் சொல்லவேணாம் போ" , என்று டீம் மெம்பெர் ஐ விரட்டுகிறார்.

"Attention"
"என்னப் பத்தி நானே சொல்றேன் கேட்டுக்க "
"என் பேரு EOD ஏகாம்பரம் "

Fresher: "தெரியும்"
PL: எனக்கு இன்னொரு பேரு இருக்கு . "ever bench" ஏகாம்பரம் .
offshore லேந்து onsite வரைக்கும் இருக்குற அத்தனை "End of Day (EOD) work" முடிக்காத மட்டமான டீம் மெம்பெர்ஸ் ஐ ப்ராஜெக்ட் ரிலீஸ் பண்ணிட்டு ஸ்பெஷல் appointmentla இங்க வந்து சேர்ந்துருக்கேன்.

Fresher கேவலமாக சிரித்து தொலைக்கிறான் .

PL: "என்ன பேசிட்டு இருக்கும்போதே பீ பீ ஊதுற?"
Fresher : "உங்கள பார்த்த சிரிப்பு PL மாதிரி இருக்கு சார்"
PL: ஷாக்காகி .. "சிரிப்பு PL ஆ ? டேய் சீரியஸா பேசிட்டு இருக்குறேன் , சிரிப்பு PLங்குற? .. "
பின்பு யோசித்துவிட்டு..
"என்ன பத்தி HR யார்கிட்டயும் விசாரிச்சியா? "

Fresher: "ம்ம்ம்ம்ம்"
PL: "விசாரிச்சுட்ட ... அதான் இந்த பேச்சு .. போய் tea வாங்கிட்டு வா "
Fresher: "புதுசா வேலைக்கு வந்த programmera tea வாங்கிட்டு வர சொல்றது தப்பிலையா சார்?"
PL: "இது மட்டும் வக்கனயா பேசு. PL க்கு வணக்கம் வைக்க சொன்னா மட்டும் காலை குத்து"
Fresher: "சார்ர்ர் , அது வந்துதுதுது ..."
PL: "NONSENSE, GO AND TAKE A CUP OF TEAAAAAAA"

Fresher: " எஸ் சார் " என்று சொல்லி திரும்பவும் அந்த குண்டு புத்தகத்தை PL காலில் போட்டுவிட்டு ஓடுகிறான் .
PL: "வந்த உடனேயே காலுல விரல நசுக்கிட்டு போயிட்டானே .. DANGEROUS PELLOOOW"

வாழ்க்கை

2009-06-05T09:27:00.000-07:00

குட்டிச் சீனுவுக்கு அன்று கால் நிலத்தில் படவில்லை.

"யம்மோவ் இத பாத்தியா" என்று வாசலில் பாத்திரம் தேய்த்து கொண்டிருந்த அம்மாவிடம் ஓடி வந்தான்.

"என்ன ராசா ... ஏன் இம்புட்டு வேகமா ஓடிக்கினு வர ? " என்றால் அம்மா பாத்திரத்தை கழுவியபடி.

"எங்க இச்கூளுலேந்து கிரிக்கெட்டு விளையாட்டுக்கு இட்டாந்தாங்கால , அங்க சச்சினு எனக்கு கையெழுத்து போட்டு இந்த ஸ்டம்பை குடுத்தாரு "

அவனின் சிறு கைகள் அந்த கிரிக்கெட் ஸ்டம்பை இறுக்கமாக பற்றி இருந்தன.

"எங்கே காமி " , ஆசையாக பார்த்தாள் அம்மா.

"யாரு அந்த டென்டுலக்கர் தம்பியா கையெழுத்து போட்டது ? பருவாலியே ...
இத அங்க வெச்சுட்டு வா.. வந்து குந்திகினு இத சாப்டுட்டு போ "

"இரும்மா நான் பக்கத்து வீட்டு வேணுகிட்ட காட்டிட்டு வரேன் "

சீனுவுக்கும் வேணுவுக்கும் என்றைக்கும் சண்டை இல்லாமல் இருந்ததில்லை . ஒரே வகுப்பில் படிக்கும் இருவருக்கும் ஸ்லேட் காலத்தில் இருந்து தகராறு தான்.
சீனுவுக்கு அந்த ஸ்டம்பை வேணுவிடம் காட்டிவிட்டு அவனை உசுப்பேத்துவதில் அலாதி சந்தோசம். அந்தத் தருணத்தை எதிர்பார்த்துக் கொண்டிருந்தான்.

சீனுவின் குடும்பம் கொஞ்சம் பெரியது . அப்பா , அம்மா , அக்கா, தம்பி , சீனு என ஐந்து பேர். அப்பா பேருந்து நிலையத்தில் சாலை ஓர பாக்கெட் குளிர்பானம் , தண்ணீர் பாக்கெட்டுகள், குளிர்ந்த மோர் விற்பவர். மிகுந்சிரமத்தில் தான் அந்த மூன்று குழந்தைகளும் படிக்கின்றனர். அதுவும் அம்மாவின் வற்புறுத்தலின் பேரில் தான்.

"இவனுங்கலேலாம் படிச்சு என்னத்த கிழிக்கப் போறானுங்க ? . கடைல உக்காந்தாலாவது காசு கிடைக்கும் " என்பார் அப்பா.

"அடேய் இந்த இட்டிலிய சாப்டுட்டு போடா"

"போம்மா வேணாம் ... நான் போகணும் இன்னைக்கு இஸ்கூலுல நிரய்யா பசங்ககிட்ட காமிக்கனும் "

அவன் அவ்வளவு மகிழ்ச்சியாக இருந்து அவள் பார்த்ததே இல்லை.

"டேய் எங்கடா ஓடற................. ? "

"யம்மோவ் இரும்மா , பேப்பர் சுத்தி எடுத்திகினு போறேன் .. இந்த அழுக்கு பயலுக கை பட்டிடுச்சுன்னா அப்பறம் எல்லாம் அழிஞ்சு போய்டும் "

சாலையோர வீட்டின் பின்புறத்துக்கு செய்த்தித்தாள் பொறுக்க ஓடினான் குதித்துக் கொண்டு .

"ஏண்டி பாத்திரத்த விலக்கினியா? " சீனுவின் அப்பா கேட்டுக்கொண்டே உள்ளே வந்தார் . கையில் பெரிய ஐஸ் கட்டி. சுமார் பத்து கிலோ எடை இருக்கும். குளிர் பானங்களிலும் , மோரிலும் கலந்து குடுப்பது அவரின் வழக்கம்.

"எங்க போனான்னுங்க உன் புள்ளைங்க. படிப்ப நிறுத்திட்டு வேலைக்கு அனுபலாம்னா இவ கேட்டா தான ? எல்லாம் புத்தி கெட்டு அலையுராளுக"

"யோவ் இப்போ உனக்கு இன்னா வேணும்குற ? . புள்ளைக படிக்கறத கெடுக்கரதில்லையே இரு .. அய்ய்யய "

ஐஸ் கட்டியை அடிக்க பக்கத்திலிருந்த குச்சியை எடுத்தார் அப்பா .

ஓங்கி அடித்தார். குச்சி நாலு துண்டுகளாக சிதறி அருகிலிருந்த சாக்கடையில் விழுந்தது.

"இது வேற ஒரு எழவு.. இன்னா குச்சிடீ இது "

சீனு பேப்பருடன் ஓடி வந்தான்.

கோபத்தில் அவர் விட்டெறிந்த குச்சி அவன் புத்தகப் பை அருகே விழுந்தது.

பின்குறிப்பு : இந்த சம்பவம் உண்மையாக நடந்தது . நான் பேருந்தில் அமர்ந்த்திருந்த பொழுது, உண்மையாகவே ஒருவர் ஸ்டம்பை எடுத்து ஐஸ் கட்டியை உடைக்க முயல, ஸ்டம்பு உடைந்தது தெறித்தது. அதைக் கண்டு ஒரு சிறுவன் ஓடி வந்து அந்த உடைந்த பாகங்களை எடுத்து சேர்க்க முயன்றான் :( . மற்ற சம்பவங்கள் எல்லாம் என் கற்பனை.

கத்திரி வெயில் !

2009-05-11T09:39:00.000-07:00

அடிக்கிற வெயில் நமக்கு மட்டும் தானா ?
தினமும் மதியம் தண்ணீர் மோட்டார் போட்டுவிடுவோம். தண்ணீர் வழியும் பொழுது காக்கைகளும் குருவிகளும் சண்டை போட்டு கொண்டு தண்ணீர் அருந்துவதுண்டு ! :)

இதோ காக்கையார்...

குருவியார்...

வெற்றிலை மேல் வண்ணத்துப்பூச்சி !

2009-02-14T20:13:00.000-08:00

போட்டோ மாடல்: என்னை போட்டோ எடுக்கும் போது நான் அப்டியே ஷாக் ஆயிட்டேன் !

சினிமா சினிமா !!!

2008-12-25T06:15:00.001-08:00

1 - அ. எந்த வயதில் சினிமா பார்க்க ஆரம்பித்தீர்கள்?

எனக்கு நினைவு தெரிந்து ஏழு - எட்டு வயதிலிருந்து பார்க்க ஆரம்பித்தேன் என்று நினைக்கிறேன். ஆனால், என் அம்மா கருவுற்றிருந்த பொழுது பார்த்த படங்கள் , 'முதல் மரியாதை' மற்றும் 'சிந்து பைரவி' .

அதன் பின் , இருபது தடவை மேல் அந்த இரு படங்களையும் நான் பார்த்திருக்கிறேன் . இப்பொழுது வரைக்கும் அலுக்கவில்லை.

அதனால் , நான் பிறக்கும் முன்பே படம் பார்த்திருக்கிறேன் என்றும் எடுத்து கொள்ளலாம் .

1 - ஆ, நினைவுதெரிந்து கண்ட முதல் சினிமா?

ரோஜா .. கிழக்கு சீமையிலே .. இரண்டு படங்களையும் தஞ்சை குமரன் தியேட்டரில் பார்த்தேன் பெற்றோருடன்.

1 - இ. என்ன உணர்ந்தீர்கள்?

இரு படங்கள் முடியும்போதும் கண்கள் பனித்தன.

2. கடைசியாக அரங்கில் அமர்ந்து பார்த்த தமிழ் சினிமா?

பொல்லாதவன். என் பிரியமான தோழிகளுடன் கோவையில் பார்த்தேன்.
எனக்கு மிகவும் பிடித்தது. அருமையான படம்.

3. கடைசியாக அரங்கிலன்றிப் பார்த்த தமிழ் சினிமா எது, எங்கே, என்ன உணர்ந்தீர்கள்?

குருவி.

SETC பேருந்தில் சென்னையிலிருந்து தஞ்சை வரும் பொழுது.
தாங்க முடியலை.

விஜய் வில்லனிடம் விடும் பஞ்ச் டயலகுகள் சகிக்கலை.
படத்தின் கதையாசிரியர் , டைரக்டர் ஆகியோரைத் தான் குறை சொல்ல வேண்டும் .

4. மிகவும் தாக்கிய தமிழ்ச்சினிமா?

மகாநதி .

இது போல யார் வாழ்க்கையிலும் நடக்க கூடாது என்று நான் அவ்வப்பொழுது வேண்டிக்கொள்வது . துயரத்தின் உச்சி அந்தத் திரைப்படம். கல்கத்தா காட்சிகளை நினைத்தாலே என் கண்களில் குருதி வருகிறது.

குருதிப்புனல்.

மிகவும் பிடித்த வரிகள் நாசர் மற்றும் கமல் இடையே நடக்கும் பேச்சுவார்த்தைகள்.

"வீரம்னா என்னத் தெரியுமா ? பயம் இல்லாத மாதிரி நடிக்கறதுதான் " என்று கமல் கூறும் வரிகள் அவ்வபொழுது என் நினைவில் நின்றாடும்.

பாச மலர்.

இந்த படத்தை பலமுறை பார்த்து அழுதிருக்கிறேன். எனக்கும் சிவாஜி போல அண்ணன் இருக்காதா என ஏங்க வைத்த படம்.

எதிர் நீச்சல்.

லட்சம் தடவை பார்க்கலாம் !

கந்தன் கருணை .

வீரபாகுவாக வரும் சிவாஜி கணேசன் தான் ஹைலைட்.

என் மகன் (எம்டன் மகன்).

நான் திரும்ப திரும்ப பார்க்கும் படம். யதார்த்தம்ன இதுதான்டானு சொல்ல வைக்கின்ற படம்.

5.அ. உங்களை மிகவும் தாக்கிய தமிழ்ச்சினிமா-அரசியல் சம்பவம்?

சினிமாவில் புகைப்பிடிக்கக் கூடாது என்று அன்புமணி ராமதாஸ் கூறியது. மிகவும் வரவேற்கத்தக்க ஆணை இதுவாகும்.

5-ஆ. உங்களை மிகவும் தாக்கிய தமிழ்ச்சினிமா-தொழில்நுட்ப சம்பவம்?

ஷங்கர் படத்தில் வந்த முக்காலா முக்காபுலா பாட்டை பார்த்து பிரம்மித்தவள் நான்.

அதன் பின் ரசித்து ஜீன்ஸ் படத்தின் இரட்டை வேட தொழில் நுட்பம். ஒரு காட்சியில் இரு பிரஷாந்துகளும் கட்டிக் கொள்வார்கள். அதை பார்த்து ஆச்சரியப் பட்டிருக்கிறேன்.

கண்ணோடு காண்பதெல்லாம் பாடல்.

'அம்மன்' படத்தின் கிராபிக்ஸ்

ஏதோ ஒரு சாமி படத்தில் ஒரு யானைக் குட்டி 'ஷர்ட் பான்ட்' போட்டுகொண்டு கிரிக்கெட் ஆடும் . அதுவும் தான்.

மணிரத்னம் உயிரே படத்தில் வரும் லைட்டிங் விளையாட்டுக்கள் .

6.தமிழ்ச்சினிமா பற்றி வாசிப்பதுண்டா?

உண்டு. சினிமா வம்பிலிருந்து கேமரா தொழில்நுட்பம் வரையில்.
இரண்டு வாரங்களுக்கு முன்பு இயக்குனர் அமீரின் ராம் திரைக்கதை புத்தகத்தை வாங்கிப் படித்தேன்.

7.தமிழ்ச்சினிமா இசை?

சூப்பர் . ராஜா , ரகுமான் , எம்.எஸ்.வி என்று எல்லாரையும் எனக்குப் பிடிக்கும் .

குத்து பாடல்களை நான் விரும்புவத்தில்லை.

8. தமிழ் தவிர வேறு இந்திய, உலக மொழி சினிமா பார்ப்பதுண்டா? அதிகம் தாக்கிய படங்கள்?

1. A beautiful Mind - John Nash என்பவற்றின் வாழ்க்கை சரித்திரம். நோபெல் பரிசு பெற்ற இவர் Schizophrenia என்னும் நோயில் அவதிப்பட்டு அதிலிருந்து எப்படி மீண்டு வந்தார் என்பது தான் கதை.

2. Ice Age 1 & 2 - அந்த Mammoth பார்க்க என் தாத்தாவின் கம்பீரத்தை பார்ப்பது போல இருக்கும். Sid - சரியான வாய். ரொம்ப அழகு :)

3. Charlie Chaplin படங்கள் பார்ப்பதுண்டு.

4. Cast Away - கடைசி காட்சியில் அவனுடைய காதலியை மீண்டும் அவள் வீட்டிற்க்கே கொண்டு வந்து விடுவான் நாயகன். அழுகாச்சியா இருந்துச்சு :( :(

9. தமிழ்ச்சினிமா உலகுடன் நேரடித்தொடர்பு உண்டா? என்ன செய்தீர்கள்? பிடித்ததா? அதை மீண்டும் செய்வீர்களா? தமிழ்ச்சினிமா மேம்பட அது உதவுமா?

யாரும் இல்லையே :(

10. தமிழ்ச்சினிமாவின் எதிர்காலம் பற்றி என்ன நினைக்கிறீர்கள்?

ஒன்று இரண்டு படங்கள் அவ்வப்பொழுது மிகச் சிறந்த படைப்புகளாகவருகின்றன. தவிர மற்றவை எல்லாம் கதை கூட இல்லாமல் இருக்கின்றன.
மசாலா தடவி ரசிகர்களை மகிழ்விக்க சிறந்த நடிகர்கள் கூட பேரரசு படத்தில் ஊர்பேர் சொல்லிக்கொண்டு பஞ்சு டயலாக் பேசுகிறார்கள்.
வக்கிரம் மற்றும் வன்முறை நிறைந்த படங்களை எடுத்துவிட்டு உலக சினிமாஎன்று மார் தட்டிக் கொள்கிறார்கள்.
முகம் சுளிக்க வைக்காமல் கவிதை போன்ற படங்களை நான் விரும்புகிறேன்.
பேச்சு குறைவாகவும் , கண்கள் மற்றும் முக பாவனைகளால் அர்த்தம் பேசும்பலஆங்கிலப் படங்களைப் பார்த்திருக்கிறேன் .Modern Art போல இருக்கும் படங்கள் . படம் பார்க்கும் ஒவ்வொருவருக்குள்ளும் கொஞ்சம் மாறிய புரிதல் இருக்கும் ஒவ்வொரு காட்சிக்கும். அதுதான் இயக்குனரின் வெற்றியாகும்.

11. அடுத்த ஓராண்டு தமிழில் சினிமா கிடையாது, மற்றும் சினிமா பற்றிய சமாச்சாரங்கள், செய்திகள் எதுவுமே பத்திரிகைகள், தொலைக்காட்சி, இணையம் உள்ளிட்ட ஊடகங்களில் கிடையாது என்று வைத்துக்கொள்வோம்? உங்களுக்கு எப்படியிருக்கும்? தமிழர்களுக்கு என்ன ஆகும் என்று நினைக்கிறீர்கள்?

ஹைய்யோ எல்லாருக்கும் கொஞ்சம் பித்து பிடிக்கும். நாடகங்கள் புதிய உருவம் எடுக்கும் . நல்ல விஷயம் தானே :) !

நான் இப்பொழுது மாட்டிவிடுவது நம்ப ஆயில்யனை :)

என்னை இந்த தொடர் சினிமாப் பதிவில் இழுத்த காந்திக்கு நன்றி :)

ஆட்டோ ஓட்டலாம் வாங்க !!!

2008-12-13T11:57:00.000-08:00

ஷட்டில் சர்வீஸ் பேருந்தை மிஸ் செய்ததால் அலுவலகம் வாசலில் நின்றேன் .

கையில் லேப்டாப் .

ஒரு ஷேர் ஆட்டோ என் அருகே வந்து நின்றது .

"இன்னா சார் IT யா உக்காரு எங்க போனும் ?"

"திருவான்மியூர் அண்ணே "

"சரி உக்காரு இங்க "

இடது பக்க வவ்வாலில் கடன் கொடுத்தார் நம்ம டிரைவர் .

(அதாங்க டிரைவர் சீட் அந்தான்ட உள்ள ரெண்டு பக்கமும் மிச்ச இடம் தான் அந்த ரெண்டு வவ்வால்)

"சார் நான் சின்ன புள்ளயா இருக்க சொல்ல கொடை வெச்சிருந்த லேடீஸ்னா டீச்சர் சார் .

அது மாதிரி இந்த கம்ப்யூட்டர் காலத்துல கழுத்துல ஒரு பட்டை போட்ருந்தா அது உங்காளுங்க . நல்லா பொழப்பு ஓடுது சார் உங்களால"

நான் பெருமிதமா தலைய ஆட்டிகினே இருந்தேன்.

"நீ இன்னா மாதிரி வேலை பாக்குற சார் ? "

"நான் Project Management Officer ண்ணா "

"அப்டினா "

அவருக்கு புரிய வைப்பதற்குள் டைடெல் சிக்னல் வந்தது .

(லாப்டோபை காமிச்சு ) "சார் இது .. அந்த பெரிய பொட்டி மாதிரியா சார் ? "

"ஆமாங்க"

"இன்னாமா முன்னேரிடிச்சு சார் "

"ம்ம்ம்"

"சார் ஆமா இவ்ளோ வெச்சிகினு ஏன் சார் ஷேர் ஆட்டோல வர ? ... தனியா ஆட்டோல போக கூடாது ?

உனக்கின்னா ஒரு லட்ச ரூபா மேல சம்பளம் இருக்கும்ல ? பத்து ரூபா குடித்தி இதுல வர ? "

"இல்லைனா அவ்வளவெல்லாம் சம்பளம் இல்லன்னா "

" அப்போ எவ்ளோ சம்பளம் உனிக்கு "

"இருபதாயிரம் ரூபான்னா "

"பொய் சொல்ல்லாத பா ...

விளையாடாதபா சும்மா சொல்லு நான் எதியும் சொல்ல மாட்டேன் "

"சத்தியமா அவ்ளோ தான்னா வாங்குறேன் "

"அப்போ இந்த சின்ன கம்பூட்டர் எல்லாம் வெச்சிக்கினுருக்க "

"அது ஆபிசோடது ண்ணா "

பின்னாடி உக்கார்ந்து இருந்த இரண்டு IT பெண்கள் சிரிப்பு சத்தம் .

"இன்னாப்பா கம்மியா சொல்லுற ....

நான் எல்லாம் ஒரு மாசத்துக்கு 76 -80 ஆயிரம் சம்பாதிக்கிறேன் ..

நமக்கு மூணு வண்டி ஓடுது ...

எல்லாம் போவ 40 ரூபா தேறும் ....

புல்லிங்களை நல்ல படிக்க வெக்குறேன் ..

நீ இன்னாமோ என் சம்பாத்தியத்துல பாதிய சொல்ற ..

அமாம்பா நீங்க சோக்கா பேன்ட்டு போன்லயே நெறையா செலவு பண்றீங்க ..

சரி நீ இன்னா படிச்சுருக்கே ? "

"M.Sc M.B.A. "

"எந்த காலேஜு பா ?"

"அண்ணா யுனிவர்சிட்டி ண்ணா "

"ஓ கிண்டி கவர்னர் மாளிக அன்னாண்ட இருக்கே அதான ? "

"ஆமாண்ணா "

"நான் எட்டான்க்லாசு பைல்லு பா .. அதையெல்லாம் வேடிக்கை தான் பாத்துருக்கேன் "

அடையாறு வந்தது .

"ஆனா நீங்க படிச்சுருகீங்க.. அறிவாளிங்கதான்பா "

திருவான்மியூர் தாண்டி அடையாறு வந்தது கூட தெரியாமல் இருந்தது தான் மிச்சம் !

இந்த சம்பவம் உண்மையாகவே கடந்த வாரம் என் IT நண்பருக்கு நடந்தது :(

இந்த காக்காஸ் தொல்லை தாங்க முடியலப்பா !!!

2008-11-18T09:20:00.000-08:00

கண்ணகி சிலை எப்போடா திரும்பி வைப்பாங்க , எப்போடா நாம குந்திக்கலாம்னு காத்திருந்தது போல இந்த காக்கா .

இடம் : கண்ணகி சிலை
அகற்றப்பட்ட நாள்: 10-12-2001 .
மீண்டும் நிறுவபட்ட நாள் : 03-06-2006.

கேப்டன் & காக்கா

2008-11-17T08:16:00.000-08:00

ஏய்ய்ய்ய்ய்ய்ய்ய்ய்......

தமிழ்நாட்டுல்ல மொத்தம் பதிமூன்று லட்சம் காக்கா ....

அதுல ஆறு லட்சத்தி நாப்பதாயிரம் காக்கா கிராமத்து காக்கா....

நாலு லட்சத்தி பத்தாயிரம் காக்கா திருநெல்வேலி , மதுரை , சேலம் , கோவை மாவட்ட காக்கா...

ஒரு லட்சத்தி அம்பதாயிரம் காக்கா மிச்ச சொச்ச ஊர் காக்கைங்க....

இரண்டு லட்சத்தி முப்பதாயிரம் காக்கா நம்ப தஞ்சாவூர் காக்கா.... :) :) :)

ஒரு லட்சத்தி அறுபத்தி ஒம்போதாயிரதி ஒம்போது காக்கைங்க வட நாட்டு காக்காங்க ....

Statistics சொல்ற நம்ப தலைலேயே உக்காந்துருக்குற இது 'தீவிரவாதி' காக்கவா இருக்குமோ ? :) :)

ஏய் எந்திரி புள்ள ... அயிசுவரியா ராயி பாக்குதுல ... அவ்ன்ங்க்க்

கருப்பு கோட் போட்டா என் தலைல உக்காருவியா . அங்க நயன் கூடத்தான் கருப்பு சொக்கா போட்டுருக்கு !!!

ஏய் புள்ள என் தலைல என் கொத்துற... அவ்வ்வ்வ்வ்வ் ... அது யாரு இன்னொரு காக்கா ? Statistics ல மிஸ் ஆன கள்ளக் காக்காவோ ?

ஜாக்கிசானும் நமீயும் பாக்குறாங்க நிறுத்து புள்ள ... ஜாக்கிச்சானுக்கே சொழுட்டி சொழுட்டி பைட் பண்ண சொல்லிக்குடுதவனுக்கே இந்த நிலைமையா ?? அவ்வ்வ்வ்வ்வ்

-----

தாஜ் மஹால் பேனர் பின்னாடியிலிருந்து தடிவேலு சிரிப்புடன் :

ஹ்ம்ம்ம்ம்ம்... அரசியல்ல இதெல்லாம் சகஜமப்பா ! :) :)

டிஸ்கி : இந்த பாத்திரங்களின் பேச்சுகள் எல்லாம் கற்பனையே. படங்கள் மட்டும் தான் உண்மை. :) :) இடம் : மெரீனா கடற்கரை .

சினிமா , குழந்தைகளை சீரழிக்கிறதா?

2008-10-30T07:32:00.000-07:00

சமீபத்தில் தஞ்சை சென்ற பொழுது , எங்கள் மாடி வீட்டில் புதிதாகக் குடி வந்திருக்கும் குடும்பத்தை சந்திக்க நேர்ந்தது . ஒரு வாலுப் பொடியன் எட்டிப் பார்த்தான். எதையாவது உடைத்துக் கொண்டும் , கீழே தள்ளி விடுவதும் தான் அவன் முக்கிய வேலை. சார் U.K.G படிக்கிறார். அவனுக்கு பிடித்த நாயகன் கமல். எல்லாக் கமல் பாடல்களையும் அப்படியே ஆடிக்கொண்டே பாடுவான் .

ஒரு முறை அவனை பாடச் சொல்லிக் கேட்டேன். உடனே " ஓம் நமோ நாராயணா " என்று ஆரம்பித்தான் பொடியன். அடுத்த நிமிடம் அருகில் இருந்த தண்ணீர் ஜக் ஒன்றைத் தோளில் வைத்துக்கொண்டான் . ஓடிக்கொண்டே வட்டமடித்தான் அறையை . தூக்கி வாரிப் போட்டது எனக்கு .

"டேய் , என்னடா பண்ற ? "

"அது .................... என்ன மாறியே ஒரு பையன் இப்டி இப்டி ரௌண்டா வருவானா ... அவன் பின்னாடி தண்ணி கொட்டும்.. அப்புறம் அப்புறம் ... கமலை பூட்டு வெச்சு பூட்டிடுவாங்க "

யாரைக் குறை சொல்வது . அந்தப் பொடியனை சொல்ல இயலுமா ? அவனுக்கு அதன் அர்த்தம் தெரியுமா ? He identified himself with the little boy in the movie. அந்த குட்டிப் பையனிடம் தன்னை அடையாளப்படுத்திக்கொண்டான் இந்தப் பொடியன்.

அல்லது அவனது பெற்றோரை குறை சொல்லலாமா ? பெரியவர்களுக்கு உரியத் திரைப்படங்கள் மற்றும் காட்சிகளை குழந்தைகள் பார்க்காமல் கவனித்துக்கொள்ள வேண்டுமா ?

சினிமாக்காரர்களைக் குறைச் சொல்வதா ? இப்படிப் பட்ட மனதளவில் மற்றும் உடலளவில் துன்புறுத்தும் காட்சிகளை படமாக்குவதால் ? அந்தப் பாடலில் நடிக்க அந்தப் பொடியனின் பெற்றோர்கள் எப்படி தான் அனுமதித்தார்களோ ?

நீங்களே சொல்லுங்கள் !

தீபாவளி வந்தாச்சு :)

2008-10-26T03:16:00.000-07:00

பக்கத்து வீட்டு சில்லுண்டு சீனு வாங்கினானே பட்டாசு
அதை வெடிச்சு எங்க வாசலெல்லாம் தூசு
அவனை நான் திட்டினேன் 'போடா லூசு'
அவங்க அப்பா சண்டையை நிறுத்த செய்தாரே டிரூசு
அவனோட சண்டையிட்டதால் என் அப்பா குடுத்தாங்களே டோசு
அதுக்குள்ளே சீனு அங்கே இருந்து அபேசு
அவனை கண்டுபிடிச்சு தருகிறவர்களுக்கு குடுக்குறேன் தீபாவளி காசு :) :)

என் இனிய தமிழ் மக்களே !!!! எல்லாருக்கும் இனிய தீபாவளி நல்வாழ்த்துக்கள் !!!

பட்டாசு , இனிப்புகள் , புத்தாடைகள் என்று கலக்குங்க :)

ஒரு உளுந்து வடை போலோ ஆகியதே .. ஆச்சிரியக்குறி !!!!

2008-10-17T21:25:00.000-07:00

கவிதை தோன்றிய இடம் : சரவணா பவன் புட் கோர்ட்
நேரம் : காலை 8.30 இரண்டு இட்லி , ஒரு வடை ஆர்டர் செய்தபோது .
சூழ்நிலை : வடையை பார்த்த ஷாக் .

கருப்பு வெள்ளை பட்டாம்பூச்சி :)

2008-10-05T06:30:00.000-07:00

தூங்கிகிட்டு இருந்த பட்டாம்பூச்சியை அப்பிடியே அலேக்கா கேமிராவில் புடிச்சுட்டேன் :) சரியான தூங்க மூஞ்சி போலிருக்கு . காலை நேரத்துலயும் அப்பிடியே அந்த மரக் கிளையில் பத்து நிமிஷம் உட்கார்ந்து இருந்தது .

போன வருடம் இரவு வேலையில் பட்டாம்பூச்சிகள் என்ன செய்யும் என்று ஆராய்ச்சி செய்தேன் என்பதை தெரிவித்துக்கொள்கிறேன் :)

டாக்டர் கலாமின் வாழ்த்துக்கள் !!!

2008-10-04T09:38:00.000-07:00

என் வாழ்க்கையில் மறக்க முடியாத நாள் அக்டோபர் 2, 2008. தரையிலிருந்து பத்து அடி வானத்திலேயே மிதந்தேன் ரெண்டு நாளைக்கு. இன்று தான் கீழே இறங்கி பதிவு போடுகிறேன் :) என்னுடைய முன் உதாரணம் , என்னுடைய Inspiration எல்லாமே டாக்டர் கலாம் தான் ..

பொறுமையாக வரைந்த கலாமின் பென்சில் வரைபடம் காணாமல் போகவே, அவசர அவசரமாக ஒரு மணி நேரத்தில் வரைந்தேன். சுமாராகத் தான் வந்தது . இருந்தும் அது அவர் கையெழுத்து இட்ட பின்னர் ஏனோ மிகவும் அழகாக தோன்றுகிறது எனக்கு !

இடம் : சாஸ்த்ரா பல்கலைக் கழகம் , தஞ்சாவூர் ( நான் படித்த பல்கலை கழகம் ) .
வெள்ளி விழாவுக்கு கலாம் அவர்கள் வந்திருந்தார் .

வார்த்தைகளால் விவரிக்க முடியவில்லை :)

வண்ணத்துப்பூச்சி வயசென்ன ஆச்சு ?

2008-09-28T05:06:00.000-07:00

இந்த வண்ணமிகு வண்ணத்துப்பூச்சியை நான் தஞ்சை வீட்டில் சுட்டேன் :)

எப்பொழுதுமே எளிதில் கேமிராவில் மாட்டாமல் அங்கும் இங்கும் பறந்து கொண்டிருந்தது . பின் மிகவும் களைப்பாக ஆகியதால் ஒரு குட்டிப் பூவில் அமர்ந்து கொண்டது .

நல்லா மாட்டினியா ? :) :)

கேமிரா : Canon 7.1 MP Powershot SD100.

சொந்த ஊருப் பயணம் இவ்வளவு காமடியாக இருந்ததில்லை !!!

2008-09-27T04:58:00.000-07:00

என் சொந்த ஊர் தஞ்சை செல்ல நானும் என் அம்மாவும் தாம்பரம் பேருந்து நிலையத்தில் உள்ள ஒரு நிழற் குடையில் இரவு 8.30 மணி அளவில் அமர்ந்திருந்தோம் . 9 மணிக்கு SETC சொகுசுப் பேருந்து வருவதாக இருந்தது.
பார்க்கிறேன் பார்க்கிறேன் . 10 மணி வரைக்கும் பேருந்தைக் காணோம் . அப்புறம் ஆடி அசைந்து 10.15 மணிக்கு வந்தது. அதுக்கப்புறம் ,
காலை 3.30 மணிக்கு சோழபுரம் (கும்பகோணம் அருகில்) எல்லாரையும் எழுப்பி விட்டு பேருந்து பிரேக் டவுன் என்று இறக்கிவிட்டார்கள் . நல்லவேளை இன்னொரு பேருந்து எங்களுக்கு உதவிக் கரம் நீட்டியது . தூக்க கலக்கத்தில் பொட்டி படுக்கையுடன் நின்று கொண்டே சென்றோம் கும்பகோணம் பேருந்து நிலையம் வரையில் . அப்புறம் மெதுவாக இடம் கிடைத்தது . சரி அது ஒரு பெரியக் கதை .

இப்போ கொசுவத்தி சுருள் ...

மறுபடியும் , தாம்பரம் பேருந்து நிலையம் . இரவு மணி 9.30 .

நிழற்குடை பெஞ்சில் கொட்டாவி விட்டுக் கொண்டிருந்தேன் . எனக்கு முன் ரெண்டு பொடியன்கள் (இரட்டையர்கள்) விளையாடிக் கொண்டிருந்தனர். அவர்களோடு இரண்டு பெண்மணிகள்.

அதே சமயம் ,
பேருந்து விபரங்கள் அலுவலகத்தில் ஒருவர் மைக் வைத்துக்கொண்டு அங்கே வரும் பேருந்துகளின் விபரங்களை கத்தி கத்தி சொல்லிக்கொண்டிருந்தார்.

"மதுரை 8.30 மணி வண்டி யாருங்க"

இங்கு .. என் முன் அமர்ந்திருக்கும் பெண் ..

"அந்தப் பையை எங்கடா வெச்ச ? "

"மதுரை பஸ் வந்துடுச்சு வந்து ஏறுங்க . ரெண்டு பெரியவங்க , ரெண்டு குழந்தைங்க "

"நான் நினைச்சேன் நீ இப்படி செய்வேன்னு "

அரை நிமிடம் கடந்தது .

"யோவ் , மதுரை யாருப்பா ரெண்டு லேடீஸ் ரெண்டு சில்ட்ரன் "

பை கிடைத்தது .

"மதுரை எட்டரை மணி ரெண்டு அரை டிக்கெட்டு , ரெண்டு முழு டிக்கெட்டு யாருமா ... சீக்கிரம் வாங்க "

சில விநாடிகள்....

கடுப்பான மைக்குக்காரர் ,

"அட , மதுரை .... ரெண்டு அரை ரெண்டு புல்ல்லு "

தூக்கத்தையும் மறந்து விழுந்து விழுந்து சிரித்தேன் !

ஹையா நான் ஊருக்கு வந்துட்டேனே :) :)

2008-09-26T19:33:00.000-07:00

.

.

.

.

.

.

.

.

.

.

.

.

.

ஹேய் ஆப்பிள் ஜூஸ் கொண்டு வாப்பா !!!! :) :) :)
.
.
.

மெனக்கெட்டு சென்னைனு கேட்டு வாங்கினா...

2008-09-19T10:42:00.000-07:00

ஹாய் மக்கள் !

ஒன்னும் இல்லை என் பொலம்பல்சு தானுங்க .

மென்பொருள் நிறுவனத்தில் சேர்ந்த இரண்டாவது மாதம் எல்லாருக்கும் பணியில் சேர இந்தியாவில் மூன்று இடங்களின் பெயர்கள் கொடுத்தார்கள். ஊரில் உள்ள எல்லா சாமியையும் வேண்டிக்கிட்டேன் சென்னை வேண்டும்னு. எனக்கு குடுத்தது

1) மும்பை 2) புனே .. படிக்கும் போதே கண்ணை கட்டியது . டொங் டாங் என்று இதயம் அடிச்சுக்கிச்சு

3) சென்னை .... சப்ப்ப்பா

ஏன் இதெல்லாம் சொல்ரேன்னா . மும்பை புனே வேண்டாம்னு நினைத்துக்கு காரணம் தமிழ்நாட்டில இருந்தா மல்லாக்க படுத்துக்கிட்டு சுகமா இருக்கலாம்னு தான்.

இன்னொன்னு , நான் "ஏக் காவும் மெய்ன்" ஓர்குட் கமூனிட்டி முக்கிய உறுப்பினர் .

என்னோட டீம்ல சேர்ந்தபோது அங்க இருந்தது ஒரு தெலுங்கு பொண்ணு , அப்புறம் ஒரு அஸ்ஸாம் பொண்ணு . தமிழ்ல பேச வாய்ப்பே இல்லை. எப்போதுமே ஆங்கிலம் தான். காமடியா போச்சு .

அட ஒரு பொண்ணு அதுக்கப்புறம் சேர்ந்துச்சுப்பா ! சந்தோஷம் எனக்கு . அதை பார்க்க கொஞ்சம் தமிழ் ஜாடை இருந்துச்சா அதுக்கிட்டப போய் உன் பேரு என்னனு கேக்க அந்தப் பொண்ணோ " நானு நீனு மாதபோத திக்கு பிக்கு " னு என்னனவோ சொல்லுது . .. கன்னடக் கலி காலம்னு விட்டுட்டேன்.

மாதங்கள் செல்ல ஆங்கிலத்தில் முழு நாளும் பேசி பேசி வாய் வலிச்சு போச்சு . அலுவலகத்தில் டி.ஆர் கவிதை படிச்சாக் கூட யாரு அந்த டி.ஆருன்னு கேக்குதுங்க . நாம தமிழ் பேசறவங்களை எப்பிடியாவது புடிக்கனும்னு நினைச்சு என்னனவோ பண்ணினேன். அப்புறம் தோல்வியில் விட்டுட்டேன். சரி நமக்கு வாய்ச்சது அவ்வளவு தான்டானு ...

நாலு நாட்களுக்கு முன்னாடி என் கன்னடத்து நண்பி மதியம் ரெண்டு பேரை கூட்டுட்டு வந்தாள்.

ஆகா ஏதாவது தமிழ் பார்டி யாக இருக்குமோ :) ) )
இருக்கும் அதுங்களைப் பார்த்தாலே ஒரு ஒளி வட்டம் தெரியுதே தலைக்கு பின்னாடி .. ஹ்ம்ம்ம்ம்ம்

முதல் பொண்ணு :

நான் தமிழ்ல பேரு கேக்க அது திரு திருனு முழிச்சுது .. " ஐ அம் பரம் ஆந்திரா"

"டமால்"

இன்னொன்னு பாவமா உக்கார்ந்து இருந்தது .

"நீ எந்த ஊரும்மா "

அதே திரு திரு முழி .

"விச் பிளேஸ் யு ?"

"எர்ணாகுளம்"

போடாங்க்க்க்க் ..............................................

திருமண வாழ்த்துக்கள் !!!

2008-09-11T10:11:00.000-07:00

மங்களூர் சிவாவுக்கும் பூங்கொடிக்கும் இன்று திருமணம் (செப்டம்பர் 11, 2008 ) . அவர்கள் இருவருக்கும் என் மனமார்ந்த திருமண வாழ்த்துக்கள் !!! :) :)

அச்சச்சோ வடை போச்சே :)

2008-09-11T09:53:00.000-07:00

வடை போச்சே !!! :)

அடப் போங்கப்பா இன்னிக்கு போட்டோ எடுக்க ஆளே கிடைக்கலை. அதனால ...

2008-09-06T08:58:00.000-07:00

தலைப்பே இவ்வளவு பெருசா இந்தி பட டைட்டில் போல இருக்கேன்னு பெருமூச்சு விடறது தெரியுது . . சொல்றேன் ... மென்பொருள் வேலைப் பளுவிலிருந்து தப்பித்து ஐந்து நாட்களாக தஞ்சையில் இருக்கிறேன். இலை , தழை , புழு , பூச்சி என்று ஒன்றையுமே விட்டுவைக்காமல் தேடித் தேடி கேமிராவில் சுட்டுத் தள்ளியும் ஒன்றும் உருப்படியாக சிக்கவில்லை. அதாவது , ஓடுற மாதிரி பூனை , நாய் , குருவின்னு.

சரி , அம்மா வெச்ச சோறுக்கு தினமும் காக்கா வரும்னு பார்த்தா , அட அது கூட எட்டிப் பார்க்கவில்லை ரெண்டு நாளா . கொழுக்கட்டை வெச்ச அன்னிலேந்து அது வரதே இல்லை. ரொம்ப திமிர் ஜாஸ்தி ஆயிடுச்சு இதுங்களுக்கெல்லாம் .

அதனால , எதாவது ஒருப் பூச்சியையாவது புடிச்சிடலாம்னு எடுத்தேங்க இந்த அரக்க பறக்க பூச்சியை ( ஐ மீன் டிரேகன் ஃப்லை ) :D

எந்த நேரத்துல சமையல் கத்துக்க ஆரம்பிச்சேனோ !!!

2008-09-05T10:06:00.000-07:00

புள்ளையார் சதுர்த்தி அன்னிக்கு காலையில் சீக்கிரமாகவே எழுந்து சமையலறையில் இருந்த அம்மாவுக்கு ஒரு அதிர்ச்சி குடுத்தேன் .

"ம்மா இன்னிக்கு நான் சமைக்கிறேன் ப்ளீஸ் ...."

"மொதல்ல போய் குளி .. சமைக்கிராங்கலாமாம் "

"ம்ம்ம்"

அரை மணி நேரம் ....

"ம்மா எதாவது குட்டி வேலை கொடேன் "

"போய் அந்த தேங்காவை துருவு . சுண்டலுக்கு"

நியுஸ் பேப்பர் ஒன்றை தேங்காய் துருவி அடியில் வைத்துவிட்டு , அந்த பேப்பரில் உள்ள ஏதோ சினிமா செய்தியை ..

பத்து நிமிடம்...

"இன்னுமாடி துருவுல ? " ... காலியான நியுஸ் பேப்பர் பார்த்து அம்மா கேட்க ,
அசடு வழிய தேங்காய் ஓடு உள்ளே தெரிவதைப் பார்த்தேன் .

அவசர அவசரமாக மிச்ச சொச்சத்தை துருவி நீட்டினேன்.

"சரி வா , உனக்கு பூர்ணம் கொழுக்கட்டை எப்பிடி பண்றதுன்னு சொல்லித்தரேன்"

பாத்திரத்தில் இருந்த பூர்ணம் மட்டும் என்ன பார்த்து சிரித்தது .

"மொதல்ல கையில கொஞ்சம் எண்ணெய் தடவிட்டு , மாவு கொஞ்சம் எடுத்துக்கிட்டு , அதை கப் மாதிரி பண்ணி, அதுல பூரணத்தை வெச்சுட்டு மூடிடனும்" .

"அடடே !!! "

"சரி பண்ணு "

பத்து நிமிடம் ...

இட்லி குழியை பார்த்தாள் அம்மா ..

"கொழக்கட்டை என்ன ஷேப்ல வந்துது ?

இப்பிடி ஒண்ணு பண்றதுக்கே லேட் பண்ணா அப்புறம் எப்போ செஞ்சு முடிச்சு , எப்போ புள்ளையாருக்கு வெச்சு , எப்போ நாம சாப்பிடரதாம் ? "

"யெவ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்வ்"

ஏப்பம் விட்டது என் காதையே அறுத்தது

"தெரிஞ்சுக்காம போயிட்டேன் . வீட்லயே ஒரு மினி புள்ளையாரை வெச்சுருக்கோம்னு. புள்ளயாரப்பா , நீ தான் என் பொண்ணுக்கு நல்ல புத்தி குடுக்கணும் "

சும்மாவா சொன்னாங்க "வீட்டைக் கட்டிப் பார் , சமையலை ... சாரி கல்யாணத்தைப் பண்ணிப் பார்னு "

ஹ்ம்ம் புள்ளயாரப்பா , அடுத்த வருஷம் கண்டிப்பா உனக்கு கொழுக்கட்டை என் கையாலேயே பண்ணி போடறேன் :) இந்த தபா ஃப்ரீயா உட்டுடு :) :)

Myfriend , மங்களூர் சிவாவுக்கும் மட்டும் Disclaimer::

இந்த போஸ்டுக்கும் கல்யாணத்துக்கும் எந்த சம்பந்தம் இல்லே :) :) :) "வீட்டைக் கட்டிப் பார் , சமையலை ... சாரி கல்யாணத்தைப் பண்ணிப் பார்னு " பழமொழி சொன்னா அனுபவிக்கனும் .. ஆராயக்கூடாதுங்கோ - இப்படிக்கு பொடிப் பொண்ணு (பம்மல் உவ்வ்வ்வா சம்பந்தத்தின் கொள்கை பரப்புச் செயலாளர்)

டண்டனக்கா கவிதை

2008-09-04T03:03:00.000-07:00

டேய் மழைக்கு வேணும்டா குடை

நான் தெனமும் சாப்புடுறது சாம்பார் வடை

ஆனா அதுக்கு மாவு அரைக்க முடியாம மின் தடை

அதுனால நான் போனேனடா ரோட்டுக் கடை

அட அங்க குறுக்க போச்சேடா ரெண்டு இரட்டை சடை

அதுங்க தூக்கினு போகுதடா பூக்கூடை

அதுல ஒன்னு என் தங்கச்சி ஜாடை

அதை எவனாவது உத்து பார்த்தான்னா அவனுக்கு கட்டுவேன்டா பாடை

இந்த விஜய தங்கச்சி டி . ஆருக்கு பின்னாடி நிக்குதடா பெரிய படை !

ஹேய் டண்டனக்கா ஹேய் டனக்குனக்கா !!!

புது ப்ராஜெக்ட் .....

2008-08-02T21:52:00.001-07:00

விழுந்து விழுந்து சிரித்தேன் இதைப் படித்து. யாரோ ஒரு வலைப்பதிவாளர் தான் இந்தச் சின்னக் கதையை எழுதிருப்பார் போலிருக்கு. எனினும், பார்வோர்டில் வந்ததால் கண்டுபிடிக்க முடியவில்லை :(

நன்றி : இந்தக் கதையை எழுதியவர் :)

அப்டேட்: கண்டுபிடிச்சாசுங்க, அதை எழுதியவர் வெண்பூ :) நன்றி புதுகை அப்துல்லா

நினைவுகள் ....

2008-07-24T06:04:00.000-07:00

பேருந்திலிருந்து இறங்க என் முன் நூறு பேர்
முக்கால்வாசி காதுகளில் ஒயர்கள்
ஒருவர் முகம் பார்க்காத இன்னொருவர்
ஒவ்வொருவருக்குள்ளும் ஒரு தனி உலகம்

என் சதுர அறைக்குள் செல்ல , அங்கும் நிசப்தம்
என் கல்லூரி தினங்கள் நினைவுக்கு வந்தது...
கூச்சல் கும்மாளம் சண்டை சிரிப்பொலிகள்
............................................................................................
உஷ்ஷ்ஷ்ஷ்ஷ்ஷ்ஷ்...............................................
எதோ பலமான காற்று சத்தம் கேட்க திரும்பவும் சுய நினைவுக்கு வந்தேன்
அது நான் விட்ட பலத்த பெருமூச்சு என்று புரிந்தது
நாற்காலியில் சாய்ந்தேன்... அதேச் சதுர அறை ..
அதே குண்டூசி ஒலிக் கூட இல்லாமல்...

கண்கள் இரண்டால் .. எங்கேயோ கேட்ட மாதிரி இருக்கே !

2008-07-17T09:28:00.000-07:00

சுப்ரமணியபுரம் படத்தில் வரும் "கண்கள் இரண்டால்" பாடல் தான் இப்போதைய favourite. எங்கே பார்த்தாலும் இந்த பாட்டைப் போட்டு , கடைசியில் மொக்கையாக்கிவிடுவாங்க போலிருக்கு . இந்த பாட்டைக் கேட்ட ஐந்து வினாடிகளுக்குள் , இதோட ரிஷி மூலம் நதி மூலம் கண்டுபிடிச்சுடலாம் .

"சின்னக் கண்ணன் அழைக்கிறான் " - கவிக்குயில் படத்தில், இளையராஜாவின் இசையில் , Dr. பால முரளி கிருஷ்ணா பாடிய ரீதி கௌள ராகத்தில் அமைந்த பாடலைக் கேட்டு ரசியுங்க :)

வேட்டையாடு விளையாடு படத்தில் வரும் "பார்த்த முதல் நாளே" பாட்டையும் கேளுங்க. எங்கேயோ இடிக்கின்ற மாதிரி இல்லை? ;)

என்னக் கொடுமை ஜேம்ஸ் இது ? :)

பேருந்துப் படுக்கட்டுகளில் பயணம் செய்யும் ஹீரோக்களுக்கு !!!

2008-07-13T00:04:00.000-07:00

படத்துக்கு நன்றி: Insomniac at work

பேருந்துப் படிகளில் விளையாட்டாகப் பயணம் செய்யும் இளைஞர்களைக் கண்டால் எனக்கு பொளேரென்று கோபம் வரும் . இரண்டு தடவை கூப்பிட்டு திட்டி இருக்கேன் . அதுவும் ஸ்கூல் போகின்றக் குட்டி பசங்க இந்த மாதிரி பண்ணி என் கண்ணில் மாடிக்கொண்டார்கள் என்றால் அவ்ளோதான். நான் திட்டுற திட்டில் தெறிச்சு ஓடியதுண்டு .

Style என்று படிக்கட்டில் பயணம் செய்யும் பல நாதாரிகளைப் பார்த்திருக்கேன். அப்படியே ஒரு காலை அந்தரத்தில் பறக்கவிட்டுக்கொண்டு .. ஏண்டா இப்படியெல்லாம் இருக்கீங்க . பெண்களை impress செய்யவேண்டும் என்று நினைப்பவர்களுக்கு ஒரு டிப்ஸ் . எந்த பெண்ணுக்கும் படிக்கட்டில் போகும் பையனைப் பார்த்து ஹீரோ என்று தோன்றாது . வில்லன் மாதிரி தான் தோன்றி அவர்களின் மீது கோபம் வரவழைக்கும் .

"பாருடி அவன் எப்டி போறான்னு . அறிவுக்கெட்டவன் . வீட்டுல சொல்லிட்டு வந்துட்டன் போலருக்கு . எப்படி புட் போர்டுல தொங்கிட்டு நிக்குறான் பாரு , படு பாவி "

இந்த வரிகள் அடிக்கடி பெண்கள் கூட்டத்தில் கேட்கலாம் . நல்ல வேலை தமிழ் நாட்டுப் பெண்கள் புட் போர்டில் பயணம் செய்வதில்லை . எல்லாரும் "சத்யா" அமலா போல முயற்சி செய்வதில்லை.

சில மாதங்களுக்கு சென்னையில் முன்பு ஒரு பேருந்து இன்னொரு பேருந்தை இடது பக்கத்தில் (left) overtake செய்ததால் அந்த இரண்டாவதுப் பேருந்துப் படியில் பயணம் செய்த நான்கு இளைஞர்களை முதல் பேருந்தால் உறசி நசுக்கப்பட்டார்கள் . Death on the spot.

பலப் பேருந்துகள் இப்பொழுதும் கூட இடது பக்கத்தில் overtake செய்வதைப் பார்க்கும்போது பயம் வருதுங்க . வலப்பக்கத்து பேருந்தில் தொங்கும் இளைஞர்கள் எதுவும் அறியாது நின்று கொண்டிருப்பதை பார்க்கும்போது , அவர்களுக்கு ஒரு அறை விடத் தோன்றும் . கல்லூரியில் படிக்கும் பொழுது என் நண்பன் ஒருவன் ஓடும் பேருந்தில் ஏற முயன்று , வழுக்கி விழுது பலத்த அடியுடன் மருத்துவமனை சென்றான் . அவன் மேல் எனக்கு கருணை வரவில்லை . படித்த முட்டாள் என்றே தோன்றியது .

ஏன்யா படிக்கட்டுல ஏறும் ஹீரோக்களே (?!) , உங்க அப்பன் ஆத்தா உன்னைப படியில் இருந்து விழுந்து சாகத்தான் உங்களைப் பள்ளிக்கோ , கல்லூரிக்கோ , அலுவலகத்துக்கோ அனுப்புறாங்களா ? திருந்துங்கய்யா திருந்துங்க . அப்படி என்ன அவசரம் உங்களுக்கு ? அடுத்த பஸ்ல ஏறுங்க , இல்லை என்றால் பத்து நிமிடம் சீக்கிரமாக் கிளம்புங்க .

இந்த படிக்கட்டுப் பயணங்களைப் பல பெரியவர்களும் செய்வதைப் பார்த்திருக்கேன் . அதில் ஒரு பெருசு சோழிங்கநல்லூர் ஸ்டாப்பில் பேருந்து நிக்கும்போது ஏறாம , ஓடும்போது ஏறுகின்றாராம் . பேருந்தும் வேகமாக செல்ல , இவரும் ஓட , அந்த பேருந்து இன்னொன்றை Overtake செய்ய , இரண்டு ஓடும் பேருந்துகளுக்கு நடுவில் ஓடத் தொடங்கினார் இந்த மனுஷன் . கண்டக்டர் கதற , கடைசியில் இவர் ஏற முனைத்து , படியில் உள்ள கூட்டத்தால் அல்மோஸ்ட் விழுந்துவிட்டார். பீருந்தில் ஏறவும் முடியவில்லை ! எதுக்கு சார் இந்த மாதிரி வீர சாகசம் ? உங்களை நம்பி ஒரு குடும்பம் இருக்கக்கூடாதா ?

இல்ல உங்களைத் திருத்த இப்படித்தான் செய்ய வேண்டுமா ? :)

படத்துக்கு நன்றி : manakkudiyan

இந்த படிக்கட்டுப் பயணத்துக்கு ஆப்பு வைக்க தமிழக அரசு சென்னையிலும் மற்றும் சில முக்கியமான ஊர்களிலும் , automatic door பேருந்துகளைக் கொண்டு வந்துருக்குங்க. பேருந்து நகர ஆரம்பிக்கும்போது , இந்தக் கதவு மூடிக்கொள்ளும் . அதனால யாரும் படிகளில் நிற்க முடியாது :)

இந்தப் பதிவைப் படிக்கும் இளைஞர்களுக்கு ஒரு வேண்டுகோள் . முடிந்தால் , "இனிமேல் நான் பேருந்து படிக்கட்டில் பயணம் செய்ய மாட்டேன்" என்று சபதம் எடுத்துக்கொண்டு பின்னூட்டம் போடுங்க . இந்த அன்புத் தோழி ரொம்ப சந்தோஷப்படுவா ! :)

ஹேய் ஹேய்

2008-07-12T09:11:00.000-07:00

இருக்குற விலைவாசியில அவனவனுக்கு இங்க வறுத்தெடுக்கவே எண்ணெய் இல்லையாமாம் ..
இதுல ஆயில் புல்லிங்கு வேற பண்ணனும்னு டி . வியில் உயிரெடுக்குது ஒரு பொண்ணு
எண்ண இழுபரிங்கறது இதுதானுங்களா
'எண்ணக்' கொடுமை சார் இது !

கிண்டல் என்றாலும் ஆயில் புல்லிங் பத்தி தெரிஞ்சுக்கோங்க !!!

அப்டேட் : ஆயில் புல்லிங் உடலுக்கு ரொம்ப நல்லதுங்கோ !!!

கடி கடி கடி ;)

2008-07-05T10:42:00.000-07:00

டேய் வீராச்சாமிய தியேட்டர்ல பார்த்தவங்க பலக் கோடி
அதுல மும்தாஜுக்கு நான் சொல்லுவேன் போடி
அதுல என் தங்கச்சி போகப் போனா ஓடி
அவ லவ்ஸ் பண்ணவனோ ஒரு கேடி
அவனோட அக்காவோ ஒரு பின் லேடி
அவளுக்கு ஆப்பு வைக்க நான் ஆனேன் ரவுடி
என் புள்ள நடிக்க தெரியாதுன்னு சொன்னப்போ பீல் பண்ணா டி டி
அவனை விட நல்லா நடிப்பேன்டா இந்த டாடி
எவண்டா ஆர்க்குட்ல ஆரம்பிச்சான் community கரடி
ஓவராப் பண்ணுறாங்கடா என்னைய வெச்சுக் காமெடி கீமடி
அவங்களுக்கெல்லாம் அதிரடி மிரட்டல் அடி குடுப்பாண்டா இந்த தாடி !
ஏய் டண்டனக்கா ஏய் டண்டனக்கா !

பி . கு : இந்த விக்கிபீடியா screen shot பாருங்க !

ஸ்சோபா இப்போவே கண்ணக் கட்டுதே !

2008-06-26T08:14:00.000-07:00

இந்தச் செய்தியை எல்லாரும் படியுங்கப்பா ! எப்பிடி இப்படி எல்லாம் இருக்க முடியுது ;)

நான் இந்த போஸ்டை போடக்கூடத் தகுதி இல்லை . கல்லூரியில் கட் அடித்துவிட்டு வீராச்சாமி படம் பார்த்த நான் எங்கே , இந்த பொண்ணு எங்கே! ம்ஹூம் ..... அட்டேண்டன்சு lag லிஸ்டில் இடம் பெற்ற முதல் பெண்ணும் நானாக இருந்தேன். ஹும்ம் அதெல்லாம் ஒரு காலம் !!!

பிரிவு

2008-06-17T21:02:00.000-07:00

அலுவலகம் முடித்து வீடு திரும்பினேன்
காலிங் பெல் அழுத்திவிட்டு வாயிலில் காத்திருந்தேன்
அறை நிமிடத்துக்கு நிசப்தம்
தலையில் அடித்துக்கொண்டு என் பையை தேடினேன்
சாவியை எடுக்க
அம்மா உன்னை ரொம்ப மிஸ் பண்றேன் சீக்கிரம் ஊரிலிருந்து வா :)

கவிதை கவிதை!!!

2008-05-30T10:56:00.000-07:00

டேய் அப்போபோ அப்டேட் பண்ணத்தான் டா ப்ளாகு
இல்லன அது ஒரு Doggu
கண்டவன் எல்லாம் போடுராண்டா போஸ்டுல சூர மொக்க
இந்த டி. ஆர் பண்ணுவாண்டா அவிங்க பல்ல பொக்க !
அமிதாப் பச்சான் போடுறாரு போஸ்டு
இந்த ஆல் ரௌண்டர் டி. ஆரு ப்ளாக் பண்ணலேனா வேஸ்ட்டு !
வர்றேண்டா!
ஏய் டண்டனக்கா ஏய் டண்டனக்கா!

ரொம்ப seriousaana கவிதைகளை பல வலைப் பதிவுகளில் படிச்சு நாமளும் அப்பிடி ட்ரை பண்ணலாமேன்னு முனைந்தேன் !

முடியல! :) :)

பழைய தமிழ்ப் பாடல்கள் மற்றும் எடிட்டிங் உங்களுக்கு பிடிக்குமா ?

2008-05-21T09:02:00.000-07:00

எனக்கு ரொம்ப பிடிக்கும். என்னடா இவள் இன்னும் பழம் பஞ்சாங்கமாக இருக்கிறாளே என்று நினைக்கலாம். பழைய தமிழ்ப் பாடல்களில் இல்லாதது தான் என்ன ? இந்த காலத்தில் உள்ள குத்து பாட்டுகளும் , அநாகரீகமான வரிகளுக்கும் பழைய தமிழ்ப் பாடல்கள் எவ்வளவோ மேல் ! என் வலைப்பூவில் பிடித்த பாடல்களை போட வேண்டும் என்று ஆசை .

பழையப் பாடல்களில் உள்ள தொழில்நுட்ப விஷயங்களை நான் அதிகம் கவனிப்பேன். எங்கள் சாஸ்த்ரா பல்கலைக்கழகத்தில் என் வகுப்பு குறும் படம் உருவாக்கியதில் எனக்கு அனுபவம் உள்ளதால் , எடிட்டிங் மற்றும் காட்சி அமைப்பு உள்ளிட்ட பல தொழில் நுட்பங்களை செய்தேன்.

அதனாலோ என்னவோ , Adobe Premiere , Windows movie maker, video spicer , video joiner மற்றும் பல மென்பொருட்கள் (Softwares) ஒன்றுமே இல்லாத காலத்தில் செய்த எடிட்டிங் மீது எனக்கு அவ்வளவு ஆர்வம் .

ஆயிரத்தெட்டு மென்பொருட்கள் வைத்துக்கொண்டு கண்ணனுக்கு சுகம் அளிக்காத எடிட்டிங் மற்றும் காட்சிகளை செய்யும் இந்த காலத்தில் , கண்களுக்கு strain குடுக்காத அந்த கால காட்சியமைப்பு நிஜமாகவே அற்புதம் தான்!

ஒரு காட்சியிலிருந்து இன்னொரு காட்சிக்கு இருக்கும் ஓட்டம் (flow) கச்சிதமாக இருந்தது அந்த காலத்தில். இப்பொழுதும் சில தமிழ் படங்களில் அதை கையாண்டாலும் , "Single Shot" நேரம் மிகவும் குறைவாக இருக்கிறது. ஒரு வினாடி அல்லது அறை வினாடிக்குள் , அடுத்த ஷாட்டுக்குத் தாவுகிறது. பழையப் படங்களிலோ ஒரு காட்சி cut ஆகாமல் ஐந்து நிமிடங்களுக்கு மேல் கூட இருந்தன.

இந்த பழைய பாடலைப் பாருங்கள் . Beautiful Potrayal என்று சொல்லலாம். கவிதை மாதிரி ஒரு பாடல். கண்ணன் வருவான் கதை சொல்லுவான்......

வினாடிகளில் கட் ஆகும் காட்சிகளின் எடுத்துக்காட்டுகள் ..
நியூ யார்க் நகரம் உறங்கும் நேரம் பாடல் ...

இதில் முதல் தடவை பாடலை பார்த்து strain ஆனவர்கள் பல பேர். பாடல் familiar ஆனதும் தான் நமக்குப் பழகி விட்டது :D

ஆனால் , அதே படத்தில் வரும் முன்பே வா பாடலில் ஒரு அழகான காட்சி கோர்வை அமைப்பு உள்ளது. இதை நீங்கள் கவனித்தீர்களா என்பது எனக்கு மிகவும் சந்தேகம் தான் . பாடலின் இறுதியில் சில காட்சிகளை பாருங்கள். படியில் இறங்கி வரும்போது உள்ள பச்சைச் சுவர் அடுத்த காட்சியில் ஒரு பூங்காவில் முடியும். அம்பாசிடர் காரின் வெள்ளை நிறம் , இன்னொரு காட்சியில் உள்ள அம்பாசிடர் காரில் முடியும் . இருவரின் வேஷ்டி வெள்ளை பேருந்தில் உள்ள இருவரின் சட்டைகளில் கொண்டு போய் முடியும். பேருந்தின் கம்பிகள் காண்பித்து, அது பூமிகா வீட்டின் கம்பியில் முடியும் .

அழகான காட்சியமைப்புதான்!

உற்சாகம் படத்தில் வரும் இந்த பாடலின் எடிட்டிங் தலை சுற்றும் அளவிற்கு இருக்கும். காட்சியெல்லாம் மனசில் நிற்காமல் அப்படியே ராக்கெட் வேகத்தில் ஓடும் . கொஞ்சம் நாளாகும் இந்த பாடலின் காட்சிகள் நம் மனதில் நிற்க. இந்த வேகம் தேவையா ? அழகாக எடுத்த பாடலை கொலை செய்வது போல் ஒரு எடிட்டிங். இசை வேகமாக இருப்பதால் காட்சிகளும் இப்படித்தான் வெட்டி ஒட்டப்பட வேண்டும் என்று எழுதி வைத்திருக்கிறதா? எடிட்டர்ஸ் கொஞ்சம் கவனிப்பீர்களா இதை?

மயில் நடனம் !!!

2008-05-06T07:49:00.000-07:00

இந்த மயில் நடனத்தை பாருங்களேன். எவ்வளவு அழகு. பூரணத்துவம் (Perfection) மற்றும் திட்டமிட்டப்படி நிறைவேற்றுதல் (Planned Execution) தான் இவர்களின் வெற்றியின் ரகசியம் . இந்த ஒரு நிகழ்ச்சிக்காக இவர்கள் எவ்வளவு பயிற்சி செய்திருக்க வேண்டுமோ ?

தூக்கத்தைக் கெடுக்கும் குட்டிச் சாத்தானுக்கு ஒரு குத்து!!

2008-05-03T08:23:00.000-07:00

காலை ஏழு மணிக்கு கரும்பு போல தூக்கம் வரும் . ஆனால், அப்போழுதுன்னு பார்த்து நொய் நொய் என்று கடிகார அலாரம் சத்தம் போட்டு எழுப்பி விடும்போது அதை ஒரு மிதி மிதிச்சு குத்து விட வேண்டும் என்று தோன்றுகிறது அல்லவா?

யாரோ நம்ப மனசை மோப்பம் புடிச்சு இப்படி ஒரு அலாரம் கடிகாரத்தை கண்டுபுடிச்சுருக்கங்க போல ! கால் பந்து மாதிரி உருவம் கொண்ட இந்த கடிகாரத்தை ஒரு உதை விடலாம் . ஆனால் , இதை அனைப்பதற்கும் , உதை விட்டுத்தான் ஆகணும். பஞ்சு மெத்தை போல இருப்பதனால் கடிகாரம் உடையாது. நம்ப மாதிரி இருக்குற தூங்க மூஞ்சிகளை எழுப்பறதுக்கு செஞ்ச வெளிநாட்டுச் சதியா இருக்குமோ ?

எதுக்கும் நம்ப கேப்டன் விஜயகாந்துக்கு ஒரு ஈ மெயில் தட்டி விட வேண்டியதுதான்!

என் முதல் வலைப்பூ

2008-04-27T06:44:00.000-07:00

எல்லோருக்கும் என் இனிய வணக்கங்கள்!!! இது என் முதல் வலைப்பூ. பல நண்பர்கள் கொடுத்த தைரியத்தாலும் ஊக்கத்தாலும் நான் தமிழ் பதிவு எழுத உள்ளேன். நன்றி. மீண்டும் வருவேன்.

பை பை !!!